دعــــــاء كل المصريين

[hannona]

دعــــــاء كل المصريين


اللهم أنقذنا من نفسنة الزملاء.. وغباء الأصدقاء ومفاجأة الأعداء

اللهم ارحمنا من استبياع الجيل الجديد.. وحرائق السكة الحديد

واستقصاد كل مدير.. ونداله القرايب الصغير منهم والكبير

اللهم أغثنا من كل عميل.. ومن فواتير موبينيل

اللهم أرحمنا من تشريفه عربيات المسئولين، وزحمة الشوارع في

كل حين

وسحب الرخص في كل كمين.. من الغلبان مش م المتين

اللهم اهدى لنا سواقين الميكروباص

ومدير الشركة البصباص

اللهم ارحمنا من الشئون القانونية وشئون العاملين

واللي بيقفوا فـ وسط الشارع فجأة وبدون إشارة يمين

اللهم قنا شر الكليبات..

وشر شلل البنات.. ولؤم الستات وغباوة الحموات

وهيافة الصحف والمجلات

وقطع الحرارة فجأة عن التليفونات وقت الزنقات

والمدارس اللي بتطلب تبرعات بالألافات

ووقوع السيرفر وقفلة السايتات

اللهم سدد أقساطنا.. وضلل عنا مآمير الضرايب

اللهم ارزق جيل الوسط عقود عمل في ليبيا وقطر

اللهم افتح لجيلنا القديم الطريق الفسيح

حتى ننظف انتخابات البلد من لعبة المراجيح

اللهم ارحمنا من الاكتئاب مرض العصر والشباب

واحمي يارب سماء مصر من سحابة الهباب

واكفنا شر صاحب الدقن الكداب

وصاحب التصريحات النصاب

اللهم ارزق كل بنت بعريس هدية..

وكل شاب بوظيفة وشقة وعربية

اللهم أحرق الـ0900

واضرب الحرامية بالحرامية

ونجح أي طالب في أي كلية

[elmorsy_2000]

ببساطه روعه .. مفيش تعليق أكتر من كده

[hannona]

شكراً لك اخي الكريم على هذا المشاركة هههههه

[الفارس الأبيض]

[فقط الأعضاء المسجلين والمفعلين يمكنهم رؤية الروابط] [فقط الأعضاء المسجلين والمفعلين يمكنهم رؤية الروابط]

ولا نملك إلا أن نقول آمين .... والله فعلا أصبت فيما دعوت

[الافق]

لاحول ولا قوة الا بالله

[hannona]

شكرا على مرورك